Երեք քույր

Ներկայացման գլխավոր հերոսը ժամանակն է։ Ժամանակի՝ սոսկ օբյեկտից սուբյեկտիվ հատկանիշներ ունեցող մի երևույթի վերածվելը դառնում է ստեղծագործական հետազոտության հիմնական թեման։ Ներկայացման սյուժեն զարգանում է հակառակ ուղղությամբ՝ չորրորդ գործողությունից դեպի առաջինը։ Չեխովի հերոսներին բնորոշ այս հետադարձ հայացքը արձագանքում է նաև մեր օրերին։ Որոշ պահեր վերապրելու ցանկությունը, երբ նախկինում չենք գնահատել դրանց արժեքը, կամ այս կամ այն իրադարձության ակունքները հասկանալու փորձը ժամանակակից մարդուն բնորոշ ձգտում է։